主頁 高登熱話 吃喝玩樂 科技消費 名人專訪 短片
現有會員可[按此]登入。
[公司模式-關]  [懷舊模式-開]  [大字型]  [小字型]

您現在聚腳在 非會員伺服器 講故台內。
[轉到會員伺服器]  [轉到海外伺服器]
二手區開放#good#

有見不少會員利用本站交換或放售私人物件,為方便該些會員,同時又不會影響其他會員的正常討論,我們現開啟全新的二手區讓會員使用,相關之守則請大家到二手區閱讀。任何二手買賣或交換帖子在本公告刊登後將會被禁止#no# ,如有會員仍重複發出買賣帖子,管理員將會考慮停用其帳戶。而之前開的任何賣物或交換物品帖將會在本公告刊登24小時後刪除。#bye#

高登討論區管理員團隊
New Reply
跳至第

發起人
(穿越 校園)今年我三十三歲,回到了1998年(3)
758個回應
楊鳳瑤提議到寶石吃飯,但寶石沒有位;之後我們轉去金風,金風也滿座;我提議去和宜合道的海達。


柳豔道:「吓!海達成三十幾蚊一個快餐喎!」


「欸!我請得妳地食飯,就唔怕畀多十蚊八蚊啦!」


我們到了海達,海達的餐飲模式是像大快樂那種買票自己捧餐的自助模式,


柳豔要A餐,楊鳳瑤要D餐,呂靜宜看著餐牌,有點羞赧道:「我要B餐,不過野飲我想轉紅豆冰,不如我畀番六蚊你喔!」


我道:「傻啦!話明依餐我請,就全部人轉晒紅豆冰啦!我去買飛,你地搵位坐住先。」


如果是2016年的話,我請女生到茶記吃三十多元的午餐,她不上she.com或鄉土把我臭罵成死cheap精、無用的男人才怪,究竟是這個年齡的女生較容易知足,還是我遇上了三個願意去捱麥噹噹的女孩呢?


我走去收銀處排隊,快要輪到我的時候,有人突然插隊,我與他打了個照面,那人年約四十、中年發福、髮形宛如『鮑魚刷』、蓄著二撇雞、模樣猥瑣,整體來說,有七分吳孟達的神韻。


他揚了揚掛在頸上的PASS,道:「『靚仔』,阿SIR維護緊香港治安,唔係排先都唔得啊?」


我瞧見這個頗像吳孟達的男人,原來是隸屬梨木樹警署刑事偵緝科的沙展,最令我著意是他的名字,居然叫房侍農。


  Reply Reply Reply Reply 27/11/2016 2:05
楊鳳瑤提議到寶石吃飯,但寶石沒有位;之後我們轉去金風,金風也滿座;我提議去和宜合道的海達。


柳豔道:「吓!海達成三十幾蚊一個快餐喎!」


「欸!我請得妳地食飯,就唔怕畀多十蚊八蚊啦!」


我們到了海達,海達的餐飲模式是像大快樂那種買票自己捧餐的自助模式,


柳豔要A餐,楊鳳瑤要D餐,呂靜宜看著餐牌,有點羞赧道:「我要B餐,不過野飲我想轉紅豆冰,不如我畀番六蚊你喔!」


我道:「傻啦!話明依餐我請,就全部人轉晒紅豆冰啦!我去買飛,你地搵位坐住先。」


如果是2016年的話,我請女生到茶記吃三十多元的午餐,她不上she.com或鄉土把我臭罵成死cheap精、無用的男人才怪,究竟是這個年齡的女生較容易知足,還是我遇上了三個願意去捱麥噹噹的女孩呢?


我走去收銀處排隊,快要輪到我的時候,有人突然插隊,我與他打了個照面,那人年約四十、中年發福、髮形宛如『鮑魚刷』、蓄著二撇雞、模樣猥瑣,整體來說,有七分吳孟達的神韻。


他揚了揚掛在頸上的PASS,道:「『靚仔』,阿SIR維護緊香港治安,唔係排先都唔得啊?」


我瞧見這個頗像吳孟達的男人,原來是隸屬梨木樹警署刑事偵緝科的沙展,最令我著意是他的名字,居然叫房侍農

[sosad]


  Reply Reply Reply Reply 27/11/2016 2:23
如果是2016年的話,我請女生到茶記吃三十多元的午餐,她不上she.com或鄉土把我臭罵成死cheap精、無用的男人才怪,究竟是這個年齡的女生較容易知足,還是我遇上了三個願意去捱麥噹噹的女孩呢?

So pure So true #love#


  Reply Reply Reply Reply 27/11/2016 2:37
學生妹:-(


  Reply Reply Reply Reply 27/11/2016 3:31
推一下..


  Reply Reply Reply Reply 27/11/2016 5:21
楊鳳瑤提議到寶石吃飯,但寶石沒有位;之後我們轉去金風,金風也滿座;我提議去和宜合道的海達。


柳豔道:「吓!海達成三十幾蚊一個快餐喎!」


「欸!我請得妳地食飯,就唔怕畀多十蚊八蚊啦!」


我們到了海達,海達的餐飲模式是像大快樂那種買票自己捧餐的自助模式,


柳豔要A餐,楊鳳瑤要D餐,呂靜宜看著餐牌,有點羞赧道:「我要B餐,不過野飲我想轉紅豆冰,不如我畀番六蚊你喔!」


我道:「傻啦!話明依餐我請,就全部人轉晒紅豆冰啦!我去買飛,你地搵位坐住先。」


如果是2016年的話,我請女生到茶記吃三十多元的午餐,她不上she.com或鄉土把我臭罵成死cheap精、無用的男人才怪,究竟是這個年齡的女生較容易知足,還是我遇上了三個願意去捱麥噹噹的女孩呢?


我走去收銀處排隊,快要輪到我的時候,有人突然插隊,我與他打了個照面,那人年約四十、中年發福、髮形宛如『鮑魚刷』、蓄著二撇雞、模樣猥瑣,整體來說,有七分吳孟達的神韻。


他揚了揚掛在頸上的PASS,道:「『靚仔』,阿SIR維護緊香港治安,唔係排先都唔得啊?」


我瞧見這個頗像吳孟達的男人,原來是隸屬梨木樹警署刑事偵緝科的沙展,最令我著意是他的名字,居然叫房侍農

[sosad]

[sosad][sosad]


  Reply Reply Reply Reply 27/11/2016 14:58
#hoho#


  Reply Reply Reply Reply 27/11/2016 16:34
房事濃:P


  Reply Reply Reply Reply 27/11/2016 18:16
#yup#


  Reply Reply Reply Reply 27/11/2016 22:57
房侍農對收銀阿姐道:「豆腐火腩飯,多豆腐、多火腩、多飯,熱啡多奶,另外畀杯冰我添!」


收銀阿姐嘩然道:「又多豆腐、又多火腩、又多飯,你不如叫兩碟啦!熱啡,另外加杯冰,你不如轉做凍飲啦!都係加兩蚊嘖!」


房侍農雙手扠腰,瞪大眼睛,道:「家陣阿SIR鍾意啊!你吹得我漲咩!」


在水吧調製奶茶的老闆,道:「阿姐照落畀佢啦!」


老闆轉向房侍農,道:「房侍農,你食得晒先好啊!」


房侍農道:「食唔晒咪打包囉!阿SIR,我不嬲食得唔好嘥嘅!」


阿姐一邊打飛一邊細細碎碎道:「人叫房仕龍,你叫房侍農,人地搵幾億美金,你就係到買個三十幾蚊碟頭飯都多多要求。」


「娛樂圈嗰個房仕龍,佢拍戲就扮警察;我依個房侍農就係貨真價實嘅警察,保護你地啲升斗市民,就係我地喇!」


看來這位房侍農應該經常來光顧這間餐廳,與餐廳的員工和老板混得挺熟。


  Reply Reply Reply Reply 28/11/2016 0:17
我買完飛後,聽見楊鳳瑤與人發生爭執,別過頭瞧去,發現有三名穿著猩猩猿校服的金髮MK與楊鳳瑤爭論,其中一位居然是貓仔。


楊鳳瑤向三名金髮MK道:「喂!個邊有人座架,你地坐去第二度啦!」


其中一名金髮MK淫笑道:「嘿嘿!唔夠位坐,你咪坐我大髀囉!」


貓仔瞄著柳豔的胸部與另一位金髮MK道:「嘩!中間條女好大波,夾腸一流啊!」


柳豔怒道:「你地把口乾淨啲喎!」


貓仔笑道:「唓!原來係大陸妹嚟架,廣東話都未講得正。」


此時,我問道:「發生咩事啊?」


其中一名金髮MK指著我道:「死光頭仔,點啊?做架兩啊!」


楊鳳瑤道:「我地同佢地講咗有人,佢地係都要坐落嚟!」


我轉向那名金髮MK,道:「喂!我地霸咗位先架,你地都要夾硬坐埋嚟,你邊度鄉下架?識唔識規矩?」


  Reply Reply Reply Reply 28/11/2016 0:20
那名金髮MK瞪著我,貓仔指著我道:「哦!我認得你,嗰陣我兩個阿哥打過你一鑊金啦!」


「係啊!你同你阿哥係邊度話!」


貓仔自豪道:「我地石蔭真技安嘅!」


「SORRY!聽唔到,大聲啲得唔得啊?邊度話?」


貓仔提高音量,道:「我地係石蔭真技安啊!死KIND子。」


貓仔的話,讓他成為了全間餐廳的焦點,而那名隸屬梨木樹警署刑事偵緝科的房侍農亦打量著他,我喚道:「阿SIR,依度有人自稱三合會成員,你係咪應該要處理下呢?」


房侍農把餐盤放下,拿起了夾在腋下的方向報,在貓仔三人的頭頂上狠狠拍打了一下,罵道:「三隻野,毛都未出齊,學人撻朵,都唔知死字點寫嘅!」


三人瞥見他掛在胸前的PASS,均不敢造次,房侍農喝道:「你地三隻野仲唔走係咪想搏拉?」


  Reply Reply Reply Reply 28/11/2016 0:22
雖然三人敗走海達,但我對房侍農的處理方法有點不滿,道:「阿SIR,佢地自稱三合會成員,點解你放佢地走啊?」


房侍農沒好氣地白了我一眼道:「阿SIR做野,駛鬼你條塞豆窿教咩?」


我走了去取餐,嘀咕道:「超!死差佬咪又係懶,唔想做野,頭先就唔好講到自己成個BATMAN咁啦!」


我逐一取餐回來,發現房侍農老實不客氣地坐了一邊卡位,柳豔三姝坐在另一邊卡位,看她們的樣子並不敢對房侍農的行為作出干涉。這亦難怪,傳統智慧便經常說民不與官鬥;民心如鐵,官法如爐;閻王易見,小鬼難纏等話,對於這些有選擇性執法的有牌爛仔,一般人均敬鬼神而遠之。


我坐在房侍農的那邊卡位,瞧見他邊扒著豆腐火腩飯,邊打開方向報的波經參詳,他喃喃道:「今晚歐冠巴塞對曼聯,兩隊爭出線,巴塞主場讓半球,上次曼聯主場都係踢成三比三,作客實輸緊啦!」


  Reply Reply Reply Reply 28/11/2016 0:25
#kill# #kill#


  Reply Reply Reply Reply 28/11/2016 0:40
聽到曼聯的消息,我不禁搭訕道:「係咪曼聯輸咗就出唔到線啊?」


房侍農把焦點從報紙轉向我,道:「依組拜仁榜首,巴塞同曼聯爭第二,輸咗就出唔到線。」


「咁依場買下盤穩陣啊!曼聯今年會係三冠王。」


房侍農哈哈一笑道:「三冠王?原來你係死獌狗,今年無咗簡東拿,曼聯唔降班都偷笑啦!仲三冠王?」


我道:「如果依場巴塞贏咗,曼聯就出唔到線,咁曼聯下盤真係好穩陣喎!」


「超!你條塞豆窿教阿SIR賭波?阿SIR開始賭波嗰陣,你仲係你老豆個春袋度游下游下咋!」


這個時候,馬會還未推出足智彩,那麼說房侍農是賭外圍,我道:「阿SIR,咁你即係賭外圍,乜差人
可以賭外圍波咩?」


房侍農頓時臉色一沉,道:「細路,你講咩啊?唔好砌阿SIR生豬肉喎?」


「阿SIR,我無其他意思,我只係想知道邊到有外圍波賭嘖?」


房侍農嚴肅道:「如果你再亂講野,信唔信我拉你返去差館坐番四十八個鐘?」


「我犯咩事,你要拉我,如果你亂嚟,我實去pprb到投訴你架!」


房侍農臉有異色,向老闆要求打包豆腐火腩飯走,臨走時,嘆道:「我依啲都係辛苦命嚟,想安安落落坐低扒啖飯,都要畀個死靚仔去pprb投訴。」


他應該想不到我這十五歲的中學生會這麼難纏,加上那個時候的pprb對警察有實則的規管作用,並不像2
016年時,pprb如同虛有的擺設一樣。


  Reply Reply Reply Reply 28/11/2016 0:41
明日再努力#hoho#


  Reply Reply Reply Reply 28/11/2016 0:42
垃圾獌#no#


  Reply Reply Reply Reply 28/11/2016 0:46
當年都未有足智彩[sosad]
記憶中體育版係冇賠率睇


  Reply Reply Reply Reply 28/11/2016 1:09
留明支持:)


  Reply Reply Reply Reply 28/11/2016 2:21
快d!!!我要文啊


  Reply Reply Reply Reply 28/11/2016 5:01
真係幾有中學feel,上堂睇雜誌,媾女,出街食lunch。諗起都開心#hoho#


  Reply Reply Reply Reply 28/11/2016 8:36
真係幾有中學feel,上堂睇雜誌,媾女,出街食lunch。諗起都開心#hoho#


又會成班做無聊野
中學時期離我好遠呀#kill#,我都想返去以前咁玩呀:~(


  Reply Reply Reply Reply 28/11/2016 8:39
Morning Push#yup#


  Reply Reply Reply Reply 28/11/2016 10:06
辛苦晒#hoho# 加油



多謝

但係唔知點解我好似要過了十一點先落到筆寫文[sosad]


  Reply Reply Reply Reply 28/11/2016 10:11
春泥巴貼埋隔離forum前都會上下高登睇文



依家仲未搞到個ISP EMAIL,睇下有咩辦法先[sosad]


  Reply Reply Reply Reply 28/11/2016 10:12
跳至第

New Reply


  快速回覆 - 輸入以下項目

本討論區現只接受會員張貼文章,本站會員請先登入。非會員人仕,您可以按此加入為新會員,費用全免,並可享用其他會員服務。


上次光臨時間: 21/1/2017 12:28 | 現上線用戶數量: 117,566/4,164,906
今天貼文總數: 575 | 累積文章數目: 6,113,016

聯絡我們 | 服務條款 | 私隱政策 | 廣告查詢 | 職位空缺
Copyright © 2017 HKGolden.com. All Rights Reserved.