主頁 高登熱話 吃喝玩樂 科技消費 名人專訪 短片
現有會員可[按此]登入。
[公司模式-關]  [懷舊模式-開]  [大字型]  [小字型]

您現在聚腳在 非會員伺服器 講故台內。
[轉到會員伺服器]  [轉到海外伺服器]
會員推薦計劃起動

早前不少會員反映,現時會員申請制度導致家中只有一人能以唯一ISP電郵申請帳戶,建議我們採用會員推薦方式讓同住的家人成為會員。及後我們舉行一次會員投票,支持一方僅以些微票數勝出,但我們亦留意到有會員擔心計劃會被濫用。經商討後,我們決定在推薦權上增添多重限制,避免出現濫用情況。

會員須同時擁有以下條件方可取得邀請碼:
1, 必須為使用ISP電郵註冊之會員(SMS及收費會員將不獲邀請碼)。
2, 帳戶未有被停用。
3, 並無被回報為疑似五毛或打手。
4, 於計劃實行180日或之前登記成為本站會員。
5, 帳戶已獲認證。
6. 帳戶未曾因「分身」原因被封鎖。

符合以上條件的會員,由即日起可到自己的Profile Page(http://forum1.hkgolden.com/ProfilePage.aspx)或M版設定頁面(http://m1.hkgolden.com/setting.aspx)取得邀請碼,每個邀請碼只能使用一次。此邀請碼主要為彌補現行制度的不足,方便各會員及其家人,請大家好好運用,切勿濫用!謝謝各位。 ......
跳至第

發起人
(穿越 校園)今年我三十三歲,回到了1998年(3)
937個回應
lihkg#yup# #yup# #yup#


Lihkg #hoho# #hoho#


樓主會唔會係新嗰邊貼文?_?
[img]http://goo.gl/PHcCvd[/img] [img]http://goo.gl/PHcCvd[/img] [img]http://goo.gl/PHcCvd[/img]



我其實支持啊!有多一個平台貼文係好事,聽聞遲些少有網頁版,方便出文,

不過我高登個ISP電郵係我個FD,WHATAPPS咗佢幫我睇下MAIL BOX收到EMAIL未,佢都未覆[sosad]


可能要遲多幾日


Chapter 26 生財之策(上)


午飯時,陸泳祥向林海原抱怨道:「哎呀!依家返上校雞份工真係辛苦,每日五個鐘係廚房又要執雞、又要炸雞、執頭執尾,真係想死,人工又少,得廿蚊一個鐘。」


姚智風冷笑道:「嘿,咁唔滿意,你咪唔好返囉!」


陸泳祥怒道:「你講咩啊!我返唔返關你鬼事啊?」


「咩啊?你話份工辛苦,咁我咪同你諗解決方法囉!你駛咩起晒鋼嘖?」


陸泳祥冷哼了一聲,道:「我知你諗咩啊!你以為我唔做,你可以追到宛琳珊喔嘛?你發夢啦!憑你副專
容?宛琳珊會受你?」


的確姚智風濛豬眼、朝天鼻,以相貌論,陸泳祥要比姚智風優勝;再以體形論,陸泳祥身高比姚智風高出一個頭,而且他是學校足球隊的成員,身形要比姚智風壯碩;至於論家境,陸泳祥的父母是公務員,加上三個姐姐亦已經出身,姚智風又再次大敗。由於我與姚智風均是鋤DEE會的四大長老,所以我是偏向姚智風那邊,但我搜索枯腸一番,仍難以找到姚智風比陸泳祥優勝的地方。


姚智風怒道:「依家你玩埋人生攻擊添?當初我鍾意宛琳珊先架,你明明鍾意楊鳳瑤,依家你擺明撬牆腳。」


「痴線,撬咩牆腳嘖?你又唔係佢條仔,況且男未婚女未嫁,之前你講到好大方,咩公平競爭架?依家又玩小氣。」


「你又叫小西杰同盛衣貝幫你,咁叫公平?」


我們見他們兩人爭論越趨激烈,連忙道:「大家friend嚟架嘛!一人少句啦!」


兩人臉如玄壇一瞬不瞬地盯著對方,整頓飯兩人均默不作聲,沒有交談半句,雖然我們暫時壓下兩人之間的進一步衝突,但難保日後他們會因為宛琳珊而大打出手。


今日貼住一篇先[sosad]


今日貼住一篇先[sosad]

:~( :~( :~(
巴打加油#kill# #kill#








樓主會唔會係新嗰邊貼文?_?
[img]http://goo.gl/PHcCvd[/img] [img]http://goo.gl/PHcCvd[/img] [img]http://goo.gl/PHcCvd[/img]



我其實支持啊!有多一個平台貼文係好事,聽聞遲些少有網頁版,方便出文,

不過我高登個ISP電郵係我個FD,WHATAPPS咗佢幫我睇下MAIL BOX收到EMAIL未,佢都未覆[sosad]


可能要遲多幾日

等你呀巴打 #bye#


#hoho#


辛苦晒#hoho# 加油


#yup##yup#


留名


你兩個故近期無咩激動位,搞到我無沖動留言,加上我近排唔係幾開心:-(


#yup#


你兩個故近期無咩激動位,搞到我無沖動留言,加上我近排唔係幾開心:-(



依排依個故平淡啲玩下日常,節奏慢啲,文火煲緊,之後有小高潮,到聖誕(係故事理面嘅聖誕)主角戀情方面會有啲眉目同進展


你兩個故近期無咩激動位,搞到我無沖動留言,加上我近排唔係幾開心:-(



依排依個故平淡啲玩下日常,節奏慢啲,文火煲緊,之後有小高潮,到聖誕(係故事理面嘅聖誕)主角戀情方面會有啲眉目同進展



但係另一個故好緊湊,中間高潮位已到,無理由悶?

我都明每個人都有心煩事,我最近都有,所以寫文速度都慢咗:-(


今天是星期一,捱過了被物流界形容為地獄超級星期六。而我在星期天,亦首次用自己的錢請了阿婆阿公飲了餐下午茶,本來星期一對於學生還是打工仔來說,星期一就是一星期中最被討厭的日子,因為它離周末是最遠的一天,可是現在一周七日裡,我最喜歡的就是星期一。


上完物理堂,應該是說睡完了物理堂才對,我朝著男厠的方向走去,瞧見布正麗與譚慧詩許詠欣在走廊裡嬉鬧。


布正麗指著許詠欣笑道:「放心,我將來做咗皇后,哀家封妳做『石梨夫人』。」


譚慧詩忙道:「咁我呢?」


布正麗笑道:「哀家知道譚愛卿妳為人咸濕,就賞妳一百個精壯嘅男人嚟服侍妳。」


許詠欣指著譚慧詩笑道:「咸濕妹。」


布正麗笑道:「兩位卿家仲唔謝恩。」


許詠欣與譚慧詩笑道:「謝娘娘。」


她們開的這番玩笑,讓我想起了布正麗之前在禮堂對陳慧琼所說的話,那個譽滿中外的轉世活佛說布正麗的命是像文德皇后一樣。但我想不起誰是文德皇后?而在我原先的世界裡並未曾聽過有港人成為某國的皇后,只聽過有位叫文雅麗的中英混血兒成為了丹麥王妃,而且在那個時空,我對布正麗的印象只停留在中五階段,她之後的人生,我是一無所知的。


今天是星期一,難得今天放學後不用去上班,柳豔學姐在圖書館替我與楊鳳瑤補習中國文學,呂靜宜則在自修她的附加數。


我問道:「係呢!我依排做兼職,唔係成日嚟圖書館,妳地係咪都係照嚟啊?」


柳豔搖頭道:「依排我好忙,學生會同辯論學會兩邊走啊!」


呂靜宜亦搖頭道:「我要去出面練琴、又要去補習附加數,都係間唔中嚟同鳳瑤補下數學咋!」


楊鳳瑤道:「我雖然得羽毛球依樣課外活動,但我發現成日嚟溫書,好多時候都入唔到腦,所以最近都少嚟咗。」


我點頭,道:「都係嘅,溫唔入腦坐係到都無用,去打波輕鬆下都好嘅。」


呂靜宜道:「係呢!你份工做得慣唔慣啊?」


「暫時都可以,啲同事見我係細蚊仔都無恰我。」


楊鳳瑤嘲笑道:「唔知醜,明明你就成個阿叔咁款,扮晒細路仔。」


我沒有理會楊鳳瑤,向柳豔和呂靜宜道:「之前我咪應承過妳地嘅,出咗糧,就請你地食飯,尋日我出咗糧,不如聽日我請妳地食lunch喔!妳地想食咩?」


柳豔道:「吓!成皇志,你講真架?」


「當然啦!學姐,妳幫我補中國文學,勞苦功高啊!依餐我晨早要請妳啊!」


呂靜宜道:「成皇志,你請學姐啦!唔駛請我。」


我道:「咁又唔得喎!我要請埋妳喎!因為我要妳幫楊鳳瑤補習,畀咗唔少麻煩妳,所以我係爭妳一餐。」


我打量著楊鳳瑤,道:「至於妳…」


楊鳳瑤有點羞赧,道:「我知你實記住之前我話你份工返一日就畀人炒咗喔嘛!我仲話過我唔希罕添!」


我笑道:「哎呀!妳誤會喇!我係問妳幫手諗下食啲咩野好啊?」


楊鳳瑤冷哼了一聲。


我道:「喂!畀下面喔!我請妳食飯,妳唔好喺咁多人面前請我食檸檬得唔得先?」


呂靜宜亦笑著幫腔道:「係啊!鳳瑤,妳唔去,我地都唔會去架!」


楊鳳瑤擺出一副勉為其難的樣子,道:「咁好啦!我畀面靜宜,唔請你食檸檬啦!」


「嘩!真係皇恩浩盪,我駛唔駛謝主降恩啊!」


翌日,回到學校,黎早強告知我一個消息,就是昨晚陸泳祥與姚智風在上校雞上班時大打出手,最後被上校雞的經理即時辭退。


「吓!最後邊個打贏啊?」


「咁我就唔清楚!尋晚姚智風打畀我,問我撐唔撐佢?」


「吓!佢唔係諗住同陸泳祥嚟真啊?」


「咁我就唔知喇!」


以我認識的姚智風,他是一個很沒有所謂,膽子不大、極少動真火的人,但當男人涉及到女人的問題便很難說。


午飯的時候,姚智風問道:「大勁志,一齊去8座到食喔!」


「吓!今日我唔得啊!」


姚智風聞言臉色一沉道:「你同陸泳祥食?」


我連忙表明立場道:「唔係,我今日約咗楊鳳瑤、呂靜宜同柳豔食晏。」


黎早強口賤道:「嘩!一王三后,勁!」


姚智風提高聲線道:「你要溝囡,我會識做嘅!唔似一啲人,專撬兄弟牆腳。」


與林海原、霍去登、郭左杰站在一邊的陸泳祥冷哼了一聲。


郭左杰見狀,立時推著陸泳祥離去,道:「我地上去安蔭酒樓食,快啲去攞位,如果唔係會無位。」


在我們的朋友圈裡,現在因為陸泳祥與姚智風的決裂分成了擁陸與擁姚兩大陣營,林海原、霍去登與陸泳祥較熟絡,所以成了擁陸派,而本身是鋤DEE會的四大長老之一的郭左杰因幫助陸泳祥追求宛琳珊,所以被姚智風視為擁陸派。黎早強與姚智風同屬四大長老,所以二人關係密切,而最近轉校生何敏傑與姚智風走得很近,雙方很投契,所以成為了姚粉,至於『世界仔』陳依官並沒有明確表示自己是陸營、還是姚營,今天他選擇與成敏研方詠珊吃午飯,沒有申明立場。


文呀:P


真係少咗好多人咁[sosad]


春泥巴貼埋隔離forum前都會上下高登睇文


跳至第



  快速回覆 - 輸入以下項目

本討論區現只接受會員張貼文章,本站會員請先登入。非會員人仕,您可以按此加入為新會員,費用全免,並可享用其他會員服務。


上次光臨時間: 24/3/2017 15:57 | 現上線用戶數量: 375,844/114,757
今天貼文總數: 760 | 累積文章數目: 6,144,634

聯絡我們 | 服務條款 | 私隱政策 | 廣告查詢 | 職位空缺
Copyright © 2017 HKGolden.com. All Rights Reserved.